Mindestens eines dieser Lieder hast du ganz bestimmt auch in der Schule gesungen. Um deiner Erinnerung ein bisschen auf die Sprünge zu helfen, haben wir dir auch gleich die Liedtexte herausgesucht. Fröhliches Mitsingen!
1 Det äne am Bergli
Det äne am Bergli det staht e wissi Geis
i ha si welle mälche da haut si mer eis
hole duli hole duli hole duli duli duli duli
hole duli hole duli hole duli duli duli du
si hät mer eis ghaue das tuet mir so weh
jetzt mälchi miner läbtig kei wissi Geis meh
hole duli hole duli hole duli duli duli duli
hole duli hole duli hole duli duli duli du
jetzt ga ni is städtli und chauf mer e Geis
ich chauf mer e bruni die haut mer e keis
hole duli hole duli hole duli duli duli duli
hole duli hole duli hole duli duli duli du
2 Oh du goldigs Sünneli
Oh, du goldigs Sünneli,
tuen doch wieder schiine!
Bitti bliib de ganz Tag da,
das mer chönd veruse gaa.
Oh, du goldigs Sünneli,
tuen doch wieder schiine!
3 Es wott es Froueli z’Märit ga
Es wott es Froueli z’Märit ga, z’Märit ga
Wott dr Ma nid nache la
Tra la la la la, tra la la la la
Wott dr Ma nid nache la, tra la la la la la la.
Hans du muesch deheime blybe, heime blybe
Muesch de Hüehner d’Eier gryffe (d’Zyt verdrybe)
Tra la la la la …
Im Ofe si sächs grossi Chüeche, grossi Chüeche
Muesch mir ou zu dene luege.
Tra la la la la …
Am Abe, wo isch sächsi gsi, sächsi gsi
Si die Chüeche gässe gsi.
Tra la la la la …
Und wo das Fraueli hei isch cho, hei isch cho
Ma wo hesch mir d’Chüeche wo?
Tra la la la la …
Und hei die Hüehner alli gleit, alli gleit?
Dr Güggel het sys Ei verleit.
Tra la la la la …
Da nimmt sie dr Hans bim Bärtli, Bärtli
Und rüert ne use ids Gärtli.
Tra la la la la …
Dr Hans, dä springt zum Nachbarhuus, Nachbarhuus
Dr Chasper luegt zum Fenschter us.
Tra la la la la …
I sett dir öppis säge, säge
My Frou, die het mi gschlage.
Tra la la la la …
O wärsch du ou scho geschter cho, geschter cho
Lueg myni macht mer’s ou eso.
Tra la la la la …
Chasper, mir müesse zäme ha, zämä ha
D’Frou wott mer de Gring verschla.
Tra la la la la …
Hans du muesch di nid beklage, nid beklage
Myni het mir ne scho verschlage.
Tra la la la la …
Die Froue si es Lumpepack, Lumpepack
Si us Stroh und Huudle gmacht.
Tra la la la la …
Mir Manne si ganz andri Lüt, andri Lüt
Suufe viil und schaffed nüt
Tra la la la la …
4 S‘ chrüücht es Schnäggli
S‘ chrüücht es Schnäggli,
s‘ chrüücht es Schnäggli,
s‘ Bergli uuf,
s‘ Bergli uuf,
äne wider abe,
äne wider abe,
uf em Buuch,
uf em Buuch.
5 Rägetröpfli
Räge-, Rägetröpfli
Es rägnet uf mis Chöpfli
Es rägnet us em Wolkedach
Und alli Bluemli werded nass
Und alli Steinli uf dä Gass
Räge-, Rägetröpfli